Plantun de Prouvènço

Pèr coumpara dos planto d'encò nostre

Allium ursinum & Schoenoplectus mucronatus

Allium ursinum

Amaryllidaceae Alliaceae

Noms en français : Ail des ours, Ail des bois.

Descripcioun :
L'aiet-bastard trachis dins li faio e li blachiero umido. S'apren à-n-acò que se vèi quàsi pas en Prouvènço, en deforo di relarg mountagnous. Se recounèis à si làrgi fueio pourtado pèr un pecou, e à si flour blanco coume lou la e un pau grando (fin qu'à 1,5 cm).

Usanço :
"- Se vesias, nous disié lou Jóuse, soun pas marrit aquélis aiet. Tenès, tastas.
- Verai ! soun bon. Hòu ! pourrias faire l'aiòli". ("En Mountagno", op.cit p. 72)
Èi l'aiet fèr lou mai manja en Éuropo e acò desempièi lou neoulitique. Poudès acampa li fueio, li flour, li boutoun, li jóuini fru e li veno. S'adoubon de proun de biais, en ensalado, cue... A peréu li mémi prouprieta que l'aiet cultiva (vèire çai-souto), èi peréu riche en vitamine C e fai meigri.

Port : Erbo
Taio : 15 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Allium
Famiho : Amaryllidaceae
Famiho classico : Alliaceae

Ordre : Asparagales

Coulour de la flour : Blanco
Petalo : 6
Ø (o loungour) flour : 1 à 1,5 cm
Flourido : Printèms

Sòu : Ca (Si)
Autour basso e auto : 0 à 1600 m
Aparado : Noun
Abriéu à mai

Liò : Faio - Blachiero - Ribiero
Estànci : Coulinen à Mountagnard
Couroulougi : Éurasiatico
Ref. sc. : Allium ursinum L., 1753

Triangle(-bencu)

Schoenoplectus mucronatus

Cyperaceae

Noms en français : Scirpe à écailles mucronées, Souchet mucroné.

Descripcioun :
Lou triangle-bencu s'atrovo quàsi pas au nostre aleva dins li risiero de Camargo ounte n'i'a à bóudre. Se recounèis à sa cambo en triangle, sis espigo groupado e subretout sa bratèio que souvènt part sus li coustat. I'a quàsi pas de fueio, soulamen la guèno (fotò) .

Usanço :
Aquéu triange nous èi bessai vengu emé lou ris qu'èi pas segur que restavo au nostre à passa tèms. Couneissèn pas d'usanço particuliero pèr aquelo planto. Escriéure au site se n'en sabès mai .

Port : Erbo
Taio : 30 à 80 cm
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Schoenoplectus
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1,5 à 2,5 cm
Flourido : Estiéu

Sòu : Ca
Autour basso e auto : 0 à 400 m
Aparado : Noun
Juilet à setèmbre

Liò : Risiero - Estang
Estànci : Termoumediterran à Mesoumediterran
Couroulougi : Cousmoupoulito
Ref. sc. : Schoenoplectus mucronatus (L.) Palla, 1888 (= Scirpus lacustris L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Allium ursinum & Schoenoplectus mucronatus

ges

Coumpara Aiet-bastard emé uno autro planto

Coumpara Triangle(-bencu) emé uno autro planto